મારા ક ખ ગ ઘ …

વિચારો, પ્રસંગો, ગમેલુ, ન ગમેલુ, સાંભળેલુ, ફરેલુ, વાંચેલુ, હસેલુ, શીખેલુ — બધાની ગુજરાતિ ભેળ !

સવાર સવાર માં

with 3 comments

એવું નો માનતા કે હું નાવાનો ચોર છું. કે મને ચોક્ખાઈ નથી ગમતી. પણ ભલા માણસ, નવેમ્બર મહિના માં, બેંગલોર જેવા સીટી માં સવાર સવાર માં તમે ઠંડુ પાણી રેડી દ્યો એટલે કઈ મજાક ની વાત છે હે ?
જરાક વિચારવું તો જોય ને સામાવાળાનું. આ તો બસ હું કઈ બોલી ના શકું એટલે તમને ગમે ઈ કરવાનું એમ ? દેડકા ને જીવ જાય ને કાગડા ને રમત થાય.
મારે નથી રેવું આયા. મોકલી દ્યો મને પાછો મારે ગામડે , ન્યા હું ભલો ને તળાવ નું પાણી ભલું.



હા બાપા હા , આ ફોટા માં છું એજ હું બોલું છું.  હવે મને ને આ બાજુવાળા ને હેઠા ઉતારવા કે ?

Written by IG

નવેમ્બર 26, 2011 at 6:22 પી એમ(pm)

અધૂરું જ્ઞાન

with 4 comments

મારો એક મિત્ર મુંબઈમાં સોફ્ટવેર એન્જીનીઅર છે. સાથે સાથે એ ઉત્સાહી જીવડું આજુબાજુ વાળા ને હિન્દી બોલતા પણ શીખવાડે છે. (ના આવડતું હોય તો)

તેના બ્રેકફાસ્ટ મિત્રોએ એક દિવસ તેના એક ‘શિષ્ય’ ની પરીક્ષા લેવાનું નક્કી કર્યું. હવે બિચારો શિષ્ય એક અઠવાડિયા થી જ હિન્દી શીખતો હતો. અને કોઈ પણ વિષય પર બોલવાનું કહેતા, તેનાથી આવું એક વાક્ય બહાર આવી ગયું.

“दिव्या भारती की ख़ुदकुशी की गयी थी | ”

જોકે આ વાત બહુ પહેલાની છે અને હવે કદાચ શિષ્ય પારંગત થઇ ગયો હોય તો કહેવાય નહિ. આશા રાખું કે તેને હજી આ ગુજરાતી બ્લોગ વાંચતા નહિ આવડતું હોય 🙂

Written by IG

ઓગસ્ટ 15, 2010 at 2:24 પી એમ(pm)

with 2 comments

Fire Stone

જલન માતરી લખે છે કે,

શ્રદ્ધાનો હોય વિષય તો પુરાવાની શી જરૂર ?
કુરઆનમાં તો ક્યાંય પયગંબરની સહી નથી

(ફોટો: બેલુર, કર્નાટકા, ડીસેમ્બર ૨૦૦૯)

Written by IG

જુલાઇ 4, 2010 at 3:22 પી એમ(pm)

ઘરે પાછા

with 3 comments

ચાઈનામાં ૧૭૯ દિવસ રહ્યા પછી ગયા અઠવાડિયે બેન્ગલૂરૂમાં પરત ફર્યો. પછી ઓફીસમાંથી અઠવાડિયાની રજા લઈને ગુજરાતની ગરમી જોઈ લીધી. આખી સીઝનનો કેરી નો રસ પીવાનો બાકી હતો તે ભાવનગર, મોરબી, ઉપલેટા, તલાળા, અમદાવાદ અને જુનાગઢ ની કેરીઓમાંથી દબાવી દબાવી ને પીધો. જેટલો તડકો આકારો હતો એટલી જ કેરીઓ મીઠી હતી. હવે ઘણું બધું લખવાનું બાકી છે, ઘણી બધી કોમેંટોનો જવાબ આપવાનો બાકી છે, ઘણા બધા બ્લોગની ઘણી બધી પોસ્ટ વાંચવાની બાકી છે. કાલ થી કામે લાગી જવું પડશે.

Written by IG

જૂન 28, 2010 at 10:12 પી એમ(pm)

થોડું (વિ)જ્ઞાન

with 6 comments

આપણે આપણા મગજ નો ફક્ત ૧૦% ઉપયોગ કરી શકીએ છીએ. –ખોટી વાત.
કોણે કીધું ? બોલીવુડ ના મુવી માં ? કોઈ વિજ્ઞાનીકે ? કે પછી મુવી માં કીધું કે વિજ્ઞાનીકો એ કીધું !
આપણું શરીર વરસો ના ફેરફારો પછી ઘડાયેલું છે, કુદરત કાળક્રમે શરીર ને જેની જરૂર ના હોય તે અંગ નાનું કરી નાખે અને શરીર માં થી કાઢી નાખે છે.(નવી પેઢી  હંમેશા વધુ સ્માર્ટ હોવાનું આ પણ એક કારણ, શરીરરૂપે જ નહિ પરંતુ બુદ્ધિરૂપે પણ) તો જો મગજ ની ફક્ત ૧૦% જ જરૂર હોય તો મગજ નું  ૯૦% વધારાનું વજન શરીર ની માથે રાખવાનું કાઈ કારણ ?

ચીન ની દીવાલ ચંદ્ર પર થી પણ જોઈ શકાય છે.  — ખોટી વાત.
ફરી થી…કોણે કીધું? નીલ આર્મસ્ટ્રોંગએ ? કે એની હારે ગ્યા તા ઈ બેમાંથી કોઈ ભાઈયુએ ?
ચાલો બીજી રીતે જોઈએ. કોઈ પણ વસ્તુ દુરથી જોઈ શકાય એ માટે શું જરૂરી છે? વસ્તુ “મોટી” હોવી જોઈએ, “લાંબી” હોવી જરૂરી નથી. અડધા ફૂટનું દોરડું પડ્યું હોય તો ૫૦ ફૂટ થી ય દેખાય, પણ ૫ ફૂટ નો લાંબો દોરો પડ્યો હોય તો પણ ૧૦ ફૂટથી નો દેખાય. (ચાલો મારામારી નહિ, ૧૫ ફૂટથી તો નો જ દેખાય, બસ) બસ તો ચીન ની દીવાલ બહુ લાંબી છે, મોટી નહિ. તો ચંદ્ર પર થી તો દેખાવાનો સવાલ નથી.

ઊંડા અજ્ઞાનેથી પરમ જ્ઞાને તું લઇ જા. જય સાયન્સ ભગવાન!

Written by IG

એપ્રિલ 21, 2010 at 11:35 પી એમ(pm)

કાલનો ખેડૂ_

leave a comment »

Farmer of Morrow

ખાખીજાળિયા(ઉપલેટા નજીક), ગુજરાત. ઓક્ટોબર ૨૦૦૯.

.

Written by IG

એપ્રિલ 5, 2010 at 1:34 પી એમ(pm)

Posted in Uncategorized

એકલતા_

with 3 comments

ફોટો: ચિકમાંગલૂર, કર્નાટકા, ડીસેમ્બર ૨૦૦૯.

.

Written by IG

માર્ચ 30, 2010 at 9:59 પી એમ(pm)