દિવાળી ની ફોટોગ્રાફી
ડીજીટલ કેમેરા માં સાવ થોડા ખર્ચે ફોટા પાડવાની સુવિધા મળ્યા પછી મને પણ ફોટોગ્રાફી નો “શોખ” જાગી ઉઠ્યો. એમાં પાછું orkut પર એક ફોટો મુકેલો એમાં લોકો પૂછ્યું “આ કઈ રીતે?”
અને બસ થઇ ગઈ આ પોસ્ટ તૈયાર !
કઈ રીતે? આ રીતે:
આ ફોટો બનાવવા માટે તમારે જોઇશે: એક મીણબતી, એક ફૂલઝર, એક કેમેરો અને એક ફોટો પાડનાર માણસ(જો તમારે ફોટા માં રહેવું હોય તો).
સૌ પ્રથમ કેમેરા માં shutter-priority મોડ માં જઈ shutter ની સ્પીડ થોડી ‘ધીમી’ કરી નાખો. ઉપર ના ફોટા માં shutter speed ૧/૪ સેકંડ છે.
હવે ફૂલઝર ને છેડે થી સળગાવવા ને બદલે વચ્ચે થી સળગાવો. વચ્ચે થી સળગાવતા ફૂલઝર બે ભાગમાં રોશની આપશે અને ફોટા માં ડબલ રીંગ દેખાશે.
હવે ફૂલઝર ના બીજા છેડા ની ધાતુ ને થોડી વાળી નાખો, જેથી ગોળ ગોળ ફેરવવામાં સરળતા રહે.
બસ, ગોળ ગોળ ફેરવો અને કેમેરામેનને કહો કે પાંચ-છ ફોટો ખેંચી લે. સૌથી સરસ સિલેક્ટ કરો અને રાખી દો દિવાળી આલ્બમમાં!
આ દિવાળી વેકેશન માં લીધેલા બીજા થોડા ફોટાઓ.
વડાલી બ્રધર્સ
બે અઠવાડિયા પહેલા zee tv પર lil champ નામ નો એક પ્રોગ્રામ જોતા તા. આમ તો હું અને પૂર્વી બહુ ઓછી serials સાથે જોવાનો મેળ પાડી શકીએ છીએ. હવે આ પ્રોગ્રામ માં ૨૯ ઓગસ્ટે મહેમાન હતા, “વડાલી ભાઈઓ”(wadali brothers). અને તેઓએ પ્રોગ્રામ ના અંત માં તેઓનું એક ખુબ ફેમસ ગીત “તું માને યા ના માને દીલ્દારા” ગાઈ સંભળાવ્યુ અને મોજ પડી ગઈ!
youtube પર થી અહી મુકું છું. સુફી સાંભળવાની મજા આવતી હોય તો આ જરૂર ગમશે. wadali brothers વિષે વધારે જાણવું હોય તો : http://en.wikipedia.org/wiki/Wadali_brothers
તા.ક.: આ વિડીઓ માં ફક્ત ફોટો જ છે. સાચો વિડીઓ નથી!
આવા કોઈ સોફ્ટવેર એન્જીનીયર ને ઓળખો છો ?
જે કોઈ પ્રોગ્રામ નો કોડ જોઈ ને બોલે કે “આ તો ખુબ સરસ structured કોડ છે. આટલી સરસ રીતે લખેલો છે. ઘડીક માં ડિબગ થઇ જશે.”
થોડાક દિવસો પેલા ક્યાંક વાંચેલું, આજે અચાનક યાદ આવી ગયું 
સુધારો : અરે ભાઈ, યાદ આવી ગયું. આ વિનય ખત્રી ના ફન એન જ્ઞાન પર થી વાંચેલું છે. વધુ અહી વાંચો. ધ્યાન દોરવા બદલ ધન્યવાદ વિનય.
પ્રોજેક્ટ ઓયલર – ગણિત ના ખેરખાઓ માટે
કોયડાઓ ઉકેલવાનો શોખ છે? થોડું ઘણું પ્રોગ્રામિંગ આવડે છે? અટપટા અલગોરિધમ સમજી અને બનાવી શકો છો?
ગણિત માં રસ ધરાવતા લોકો માટે પ્રોજેક્ટ ઓયલર (હા, યુલર નહિ) નામ નો એક પ્રોજેક્ટ છે. સાઈટ પર જવાનું. કોયડો વાંચવાનો. જવાબ સબમિટ કરવાનો બસ. ભારત માં થી ૧૧૨૦ સભ્યો છે. જેમાં સૌથી આગળ છે, બાલાક્રિશ્નન, જેમણે અત્યાર સુધી મુકાયેલ તમામ ૨૫૨ કોયડાઓ સોલ્વ કરેલા છે!
એક કોયડો ઉદાહરણ રૂપે:
આપણને ખબર છે કે ૨ ની ૧૫ ઘાત (2^15 =32768) ૩૨૭૬૮ થાય. હવે આ અંકો નો સરવાળો ૩+૨+૭+૬+૮= ૨૬ થાય.
હવે તમારે “૨” ની ૧૦૦૦ મી ઘાત શોધવાની, તેમાં આવતા બધા અંકો નો સરવાળો શોધવાનો. બસ ફક્ત આટલું જ.
હા, જાતે ગણવું અઘરું છે. કેલ્ક્યુંલેટર પણ ૧૦-૧૨ આંકડા પછી જવાબ આપી દેશે. તમારી પ્રોગ્રામિંગ અને ગણિત ની skill ચકાસવી હોય તો એકવાર અજમાવી જુઓ.
આ રહી લીંક: http://projecteuler.net
વેબસાઈટ પર મુકેલી એક નોંધ: project euler નો સંપર્ક કોયડા ના ઉકેલ માટે ના કરશો, કારણ કે જો તમે ના ઉકેલી શકો તો તમે ના ઉકેલી શકો!
મોટા શબ્દો ના ડર માટે મોટો શબ્દ
આજે અંગ્રેજી માં એક નવો અને જબરો શબ્દ જાણવા મળ્યો.
hippopotomonstrosesquipedaliophobia = લોકો ને મોટા(લાંબા) શબ્દો નો ડર લાગતો હોય તે ડર(phobia) ને વ્યક્ત કરવા માટે આ શબ્દ વપરાય છે. પણ આ તો માળું સારું બહુ વધારે પડતો લાંબો શબ્દ બનાવી દીધો.
વધુ વિગત: http://en.wiktionary.org/wiki/hippopotomonstrosesquipedaliophobia
કર્મભૂમિ બેન્ગલુરૂ
આમ તો બેન્ગલુરૂ માં આવ્યાને સાડા ત્રણ વરસ વીતી ગયા છે. પણ હવે આ ગુજરાતી બ્લોગ માં પણ નિયમિત લખવા માટે કોઈ વિષય ની જરૂર હતી અને કર્મભૂમિ બેન્ગલૂરૂ થી જ શરૂઆત કરવી એના જેવું શુભ શું?
આપણે કશી નવી જગ્યાએ જઈએ ત્યારે આપણા થી તે નવી જગ્યા અને આપણી જગ્યા વચ્ચે સરખામણી થઇ જ જાય છે. તો જોઈએ બેન્ગલૂરૂ માં મને શું જાણવા મળ્યું!
૧) વરસાદ. કોઈ પણ સમયે શરુ થઇ જાય. તમે ઘરે થી નીકળો ત્યારે તડકો હોય અને હજી તો તમે રસ્તા માં અડધે પહોચ્યા હોવ ત્યાં તો વરસાદ શરુ થઇ ગયો હોય. પાછું પંદર વીસ મિનીટ માં તો શાંત પણ પડી જાય. સોફ્ટવેર એન્જીનીર થી ભરાઈ પડેલા બેન્ગલૂરૂ માં છત્રીઓ તો ઓછી જોવા મળે પણ વરસાદથી બચાવે તેવા જેકેટ તો સૌની પાસે હોય જ.
૨) બેન્ગલૂરૂ “ગાર્ડન સીટી” કહેવાય છે એટલે બગીચાઓ તો ઘણા જોવા મળે. પણ મોટા ભાગ ની જગ્યા એ ઘાસ પર બેસવાની મનાયી હોય છે. અને રાત્રે બગીચાઓ બંધ હોય છે, એટલે જમ્યા પછી ચાલવું હોય તો રોડ પર જ ચાલવું પડે.
૩) બેન્ગલૂરૂ માં સીટી બસ માં સ્ત્રીઓ પણ કંડાક્તર હોય છે. બસમાં સ્ત્રીઓ માટે આગળ ના ભાગ માં આરક્ષિત સીટ હોય છે, જો કોઈ પુરુષ બેસી જાય અને કોઈ સ્ત્રી આવે તો ઊભું થવું પડે!
૪) બે પ્રકાર ની દુકાનો બહુ છે: ફળો ના રસની અને દારૂની.
૫) પરમ્પરાગત કુટુંબો દરરોજ સવારે ઘર ની બહાર સાદી તો સાદી પણ રંગોળી જરૂર કરે છે.
૬) અહી ના લોકો ભેટ સોગાદ કે કોઈ પણ વસ્તુ આપતી વખતે જમણા હાથ નો ઉપયોગ કરે છે અને આપણે પણ કરવો જોઈએ.
૭) જે નામ “ત” કે “દ” થી પૂરું થતું હોય, તેની પાછળ લોકો “હ” લગાડી દે છે. જેમ કે મારું નામ નવનીથ થાય!
૮) જો તમે બેન્ગલૂરૂ માં પોતાના વાહન થી સફર કરવાના હોય તો આવવા અને જવા ના બંને રસ્તા માલુમ કરી લેવા કેમ કે મોટા ભાગ ના રસ્તાઓ વન-વે છે. જે રસ્તે આગળ જાવ તે રસ્તે પાછું ના અવાય!
આવું કેમ!
આપણે શા માટે રીમોટ ના બટન જોરથી દબાવીએ છીએ જયારે, આપણને ખબર હોય છે કે બેટરી બદલાવવી પડે તેમ છે?
ટારઝન ને દાઢી કેમ નથી હોતી? એકદમ ક્લીન શેવ્ડ!
એવું શા માટે કે સુપરમેન બંદુક ની ગોળીઓ ને પોતાની છાતી થી રોકી શકે પણ જો વિલન બંદુકનો જ ઘા કરે તો સુપરમેન બચવા માટે નમી જાય?
જો મનુષ્ય વાંદરામાં થી આવ્યા હોય તો અત્યારે વાંદરાઓ કેમ છે?
લોકો હંમેશા ફ્રીજ પાસે વારંવાર એવી આશા સાથે કેમ જાય છે કે તેમણે છેલ્લે જોયું હશે એ પછી જાતે જ ફ્રીજ માં કશુક આવી ગયું હશે?
આપણે સાસુ વહુ ના જોક તો બહુ સંભાળીએ પણ સસરા-જમાઈ ના જોક કેમ નથી સંભાળવા મળતા?
આવું કેમ!
ચશ્માં દાન
થોડા સમય પહેલા, મારી સાથે કામ કરતા એક બહેનને “આંખો નુ દાન” કરવાની ઇચ્છા થઇ. હુ તેમને એક આંખની હોસ્પિટલમા લઈ ગયો. ત્યા જઈને તપાસ કરતા માલુમ પડ્યુ કે પહેલા ફક્ત ફોર્મ ભરીને આપવાનુ હતુ અને પછી એ લોકો આપણો કોન્ટેકટ કરે.
મારી સાથેના બહેને ફોર્મ ભરવાનુ શરુ કર્યુ.
નર્સે મને પૂછ્યુ, “તમે પણ ફોર્મ ભરશો?”
મને પુછવાનુ મન થયુ કે “મારે મારી આંખોનુ દાન કરવુ હોય તો ચશ્માનુ દાન પણ કરવુ પડે!?”
એક અઘરો ટુચકો !
એક વખત એક જીવવિજ્ઞાની, એક ભૌતિકવિજ્ઞાની અને એક ગણિતશાસ્ત્રી એક ચાની દૂકાને બેઠા હતા અને સામે રહેલા એક મકાનમાંથી આવતા-જતા લોકોને નિરખી રહ્યા હતા. સૌપ્રથમ બે માણસો મકાનમા દાખલ થયા.
થોડો સમય પસાર થયો.
હવે મકાનમાથી ત્રણ માણસો બહાર આવ્યા.
આ જોઇને ભૌતિકવિજ્ઞાની બોલ્યો, “આપણા માપ-તોલ મા કઈક ભૂલ છે.”
જીવવિજ્ઞાની બોલ્યો, “તેઓ જરુર વંશવ્રુધ્ધિ પામ્યા હશે.”
અને ગણિતશાસ્ત્રી બોલ્યો, “જો હવે એક માણસ આ મકાનમા દાખલ થશે, તો મકાન ખાલી થઇ જશે.”
નોંધઃ- ટુચકો પુરો.
સોર્સઃ- એક ફોરવર્ડ મેઇલ!
